ﻛﻔﺎﻳﺔ ﺗﺨﺪﻳﺮ !
ساخر سبيل
ﺍﻟﻔﺎﺗﺢ ﺟﺒﺮﺍ
ﻛﻔﺎﻳﺔ ﺗﺨﺪﻳﺮ !
ﺳﺄﻟﻨﻲ ﺇﺑﻨﻲ ﻫﻞ ﻓﻌﻼً ﻗﻤﻨﺎ ﺑﺘﺤﻘﻴﻖ ﺛﻮﺭﺓ؟؟ ﻫﻞ ﺍﻟﺤﺼﻞ ﺩﻩ ﺛﻮﺭﺓ ؟ ﻟﻢ ﺃﺟﺘﻬﺪ ﻛﺜﻴﺮﺍً ﻷﻋﺮﻑ ﻣﻦ ﺃﺳﺌﻠﺘﻪ ﺃﻥ ﺍﻷﻣﻮﺭ ﻗﺪ ﺇﺧﺘﻠﻄﺖ ﻋﻠﻴﻪ ( ﺫﻱ ﻣﺎ ﺇﺧﺘﻠﻄﺖ ﻋﻠﻴﻨﺎ ) ﻭﻫﻮ ﻳﺮﻯ ﺑﺄﻥ ( ﺍﻟﺤﺎﻝ ﻓﻲ ﺣﺎﻟﻮ ) ﻭﺃﻧﻪ ﻟﻢ ﻳﺤﺲ ﺑﺎﻟﺘﻐﻴﻴﺮ ﺍﻟﻤﻨﺸﻮﺩ ﺑﻌﺪ ﻛﻞ ﺗﻠﻚ ﺍﻷﻋﻮﺍﻡ ﺍﻟﺘﻲ ﻋﺎﺷﻬﺎ ﻣﻨﺬ ﻣﻴﻼﺩﻩ ﻓﻲ ﻛﻨﻒ ﺫﻟﻚ ﺍﻟﻨﻈﺎﻡ ﺍﻟﻔﺎﺳﺪ ﺍﻟﺒﻐﻴﺾ
ﻗﻠﺖ ﻟﻪ ﺑﻌﺪ ﺃﻥ ﺇﺳﺘﻌﻨﺖ ﺑﺎﻟﻠﻪ :
ﺍﻟﺜﻮﺭﺓ ﻳﺎ ﺇﺑﻨﻲ ﺗﻌﻨﻲ ﺍﻻﻧﻘﻼﺏ ﻋﻠﻰ ﺍﻟﻨﻈﺎﻡ ﺍﻟﺤﺎﻛﻢ، ﻭﺍﻹﻣﺴﺎﻙ ﺑﺰﻣﺎﻡ ﻣﻮﺍﻃﻦ ﺍﻟﻘﻮﺓ ﺍﻟﺒﺎﻃﺸﺔ ﻓﻴﻪ ﺍﻟﺘﻲ ﺗﻤﺜﻞ ﻣﺤﻮﺭ ﺇﺭﺗﻜﺎﺯ ﺍﻟﻨﻈﺎﻡ ﻣﺜﻞ : ﻗﻴﺎﺩﺍﺕ ﺍﻟﺠﻴﺶ، ﻗﻴﺎﺩﺍﺕ ﺍﻟﻤﺨﺎﺑﺮﺍﺕ، ﻗﻴﺎﺩﺍﺕ ﻗﻮﻯ ﺍﻷﻣﻦ ﺍﻟﺪﺍﺧﻠﻴﺔ ﻭﺍﻟﺘﻲ ﺑﻬﺎ ﻳﻘﻬﺮ ﺍﻟﺸﻌﺐ، ﻭﺑﻬﺎ ﻳﺤﻤﻲ ﺍﻟﻨﻈﺎﻡ .. ﺛﻢ ﺍﻟﺴﻴﻄﺮﺓ ﻋﻠﻰ ﻣﻜﺎﻣﻦ ﺍﻟﻘﻮﺓ ﺍﻟﻨﺎﻋﻤﺔ ﺍﻟﺘﻲ ﺗﺤﻤﻴﻪ .
ﻗﺎﻝ ﻟﻲ :
ﻃﻴﺐ ( ﺍﻟﺮﺋﻴﺲ ﺍﻟﻤﺨﻠﻮﻉ ) ﻭﺃﻋﻮﺍﻧﻮ ﻣُﺶ ﻓﻲ ﺍﻟﺴﺠﻦ؟
ﻗﻠﺖ ﻟﻪ :
ﻳﻔﺘﺮﺽ ﺍﻟﻘﺒﺾ ﻭﺍﻹﻃﺎﺣﺔ ﺑﻜﻞ ﺭﻣﻮﺯ ﻭﻗﻴﺎﺩﺍﺕ ﺍﻟﺼﻒ ﺍﻷﻭﻝ ﺟﻤﻴﻌﻬﺎ ( ﻣﺶ ﺍﻟﺮﺍﺱ ﺑﺲ ) ﻭﺗﻔﺮﻳﻎ ﺍﻟﻨﻈﺎﻡ ﻣﻦ ﻋﻮﺍﻣﻞ ﻗﻮﺗﻪ، ﻭﺇﺣﻼﻝ ﻗﻴﺎﺩﺍﺕ ﺛﻮﺭﻳﺔ ﺟﺪﻳﺪﺓ ﻣﺤﻠﻪ .
ﻭﺩﻩ ﺇﺗﻌﻤﻞ؟
ﻭﺍﻟﻠﻪ ﻳﺎ ﺇﺑﻨﻲ ﺍﻟﺸﻲﺀ ﺍﻟﻌﺎﺭﻓﻮ ﺇﻧﻮ ﻣﺎﻓﻴﺶ ﺣﺎﺟﺔ ﺫﻱ ﺩﻱ ﺇﺗﻌﻤﻠﺖ .. ﻗﺒﻀﻮ ﺍﻟﺮﺋﻴﺲ ﻭﻣﻌﺎﻫﻮ ﻛﻢ ﻭﻋﺸﺮﻳﻦ ﺣﺮﺍﻣﻲ ﻭﺑﺲ ! ﻭﻛﻞ ﻗﻴﺎﺩﺍﺕ ﺍﻟﺠﻴﺶ ﻭﺍﻟﺸﺮﻃﺔ ﻭﺍﻷﻣﻦ ﺍﻟﻜﺎﻥ ﺑﻘﻤﻌﻮ ﻓﻲ ﺍﻟﻨﺎﺱ ﻭﻣﻌﺎﻫﻢ ﺍﻟﻤﻠﻴﺸﻴﺎﺕ ﺍﻟﻜﻴﺰﺍﻧﻴﺔ ( ﺍﻟﺤﺒﺔ ﻣﺎ ﺟﺎﺗﻬﻢ ) ﻭﻗﺎﻋﺪﻳﻦ ﻓﻲ ﺣﺘﺘﻬﻢ !
ﻭﻣﻔﺮﻭﺽ ﻛﺎﻥ ﺗﺎﻧﻲ ﻳﺤﺼﻞ ﺷﻨﻮ؟
ﻣﻔﺮﻭﺽ ﺗﺎﻧﻲ ﻛﺎﻥ ﻳﺘﻢ ﺍﻟﻘﻀﺎﺀ ﻋﻠﻰ ﺍﻟﻘﻮﺓ ﺍﻟﻨﺎﻋﻤﺔ ﻟﻠﻨﻈﺎﻡ؟
ﺑﺘﻘﺼﺪ ﺑﺎﻟﻘﻮﺓ ﺍﻟﻨﺎﻋﻤﺔ ﺷﻨﻮ؟
ﺑﻘﺼﺪ ﺑﻴﻬﺎ ( ﺍﻹﻋﻼﻡ، ﺍﻟﻘﻀﺎﺀ، ﺃﺣﺰﺍﺏ ﺍﻟﻨﻈﺎﻡ ، ﻭﺍﻟﻤﻨﺘﻔﻌﻴﻦ ) .. ﻛﺎﻥ ﻣﻔﺮﻭﺽ ﻳﺘﻢ ﻣﺤﺎﺳﺒﺔ ﻭﺩﺣﺮ ﻣﻨﻈﻮﻣﺔ ﺍﻹﻋﻼﻡ ﺍﻟﻤﻮﺍﻟﻲ ﻟﻠﻨﻈﺎﻡ ﺳﻮﺍﺀ ﺃﻛﺎﻥ ﺭﺳﻤﻴﺎً ﺃﻭ ﺧﺎﺻﺎً ( ﻧﺎﺱ ﺣﺴﻴﻦ ) ﻭﺗﻔﻜﻴﻚ ﻣﻨﻈﻮﻣﺔ ﺍﻟﻘﻀﺎﺀ ﺍﻟﻔﺎﺳﺪ ﻭﺗﺤﺠﻴﻢ ﺩﻭﺭ ﺍﻷﺣﺰﺍﺏ ﺍﻟﺘﻲ ﻛﺎﻧﺖ ﺗﻮﺍﻟﻲ ﺍﻟﻨﻈﺎﻡ ﻭﺍﻷﻫﻢ ﻣﻦ ﺩﻩ ﻛﻮﻟﻮ ﺍﻹﺣﺎﻃﺔ ﺑﺎﻟﻔﺌﺔ ﺍﻟﻤﻨﺘﻔﻌﺔ ﻣﻦ ﺍﻟﻨﻈﺎﻡ، ﻭﺍﻟﺘﺤﻔﻆ ﻋﻠﻰ ﺃﻣﻮﺍﻟﻬﺎ، ﻭﻣﻨﻌﻬﺎ ﻣﻦ ﺍﻟﺴﻔﺮ؛ ﻋﺸﺎﻥ ﻣﺎ ﺗﻄﻠﻊ ﺍﻟﺜﺮﻭﺍﺕ ( ﺍﻟﻠﻬﻄﺘﺎ ) ﺑﺮﻩ ﺍﻟﺒﻠﺪ .
ﻭﺍﻟﺤﺎﺟﺎﺕ ﺩﻱ ﺇﺗﻌﻤﻠﺖ؟
ﻟﻸﺳﻒ ﻳﺎ ﺇﺑﻨﻲ ﺍﻹﻋﻼﻡ ﺫﻱ ﻣﺎ ﻫﻮ … ﺍﻟﻘﻀﺎﺀ ﺫﻱ ﻣﺎ ﻫﻮ .. ﻭﺍﻟﻨﺎﺱ ﺍﻷﻛﻠﻮ ﻭﻧﻬﺒﻮ ﺳﺎﻓﺮﻭ ﻋﺪﻳﻞ ﻭﻫﺴﻪ ﻣﺘﺠﺪﻋﻴﻦ ﻓﻲ ﺗﺮﻛﻴﺎ ﻭﻣﺎﻟﻴﺰﻳﺎ ﻭﻭﻳﻦ ﻭﻭﻳﻦ !
ﺇﻧﺘﺎ ﺧﺎﻳﻒ ﻋﻠﻰ ﺍﻟﺜﻮﺭﺓ ﺩﻱ ﻳﺎ ﺑﻮﻱ؟
ﺍﻟﺜﻮﺭﺓ ﻳﺎ ﺇﺑﻨﻲ ﻋﺎﻭﺯﺓ ﻗﻮﺓ ﺗﺤﻤﻴﻬﺎ ﻭﻣﺸﻜﻠﺔ ﺍﻟﺜﻮﺭﺓ ﺩﻱ ﺇﻧﻮ ( ﺍﻟﺠﻴﺶ ) ﺑﺪﻝ ﻳﻘﻴﻒ ﻣﻌﺎﻫﺎ ﻭﻳﻜﻮﻥ ﺍﻟﻘﻮﺓ ﺍﻟﺒﺤﻤﻴﻬﺎ ﺃﺻﺒﺢ ( ﻧﺪ ) ﻟﻴﻬﺎ ﻭﻗﻌﺪ ﻳﺘﻔﺎﻭﺽ ﻛﻤﺎﻥ !
ﺍﻟﺜﻮﺭﺓ ﻗﻮﺗﻬﺎ ﻓﻲ ﺍﻟﺸﻌﺐ ﺩﻩ ﻳﺎ ﺑﻮﻱ
ﺍﻟﺸﻌﺐ ﻳﺎ ﺇﺑﻨﻲ ﻭﻇﻴﻔﺘﻮ ﺇﻧﻮ ﻳﺜﻮﺭ ﻭﻳﻨﺰﻝ ﺍﻟﺸﻮﺍﺭﻉ ﻭﻳﺨﻠﺨﻞ ﺍﻟﻤﻨﻈﻮﻣﺔ ﺍﻷﻣﻨﻴﺔ ﻟﻠﻨﻈﺎﻡ ﻭﻳﺠﺒﺮﻭ ﻋﻠﻰ ﺍﻟﺘﻨﺤﻲ ﺃﻫﺎ ﺑﻌﺪ ﺩﺍﻙ ﻻ ﺑﺪ ﻟﻠﺜﻮﺭﺓ ﻣﻦ “ ﻗﻴﺎﺩﺓ ” ﻭ ” ﺭﺟﺎﻝ ” ﺗﻮﺟﻪ ﺍﻟﺜﻮﺭﺓ، ﻭﺗﻜﻮﻥ ﻭﺍﻋﻴﺔ ﻟﻠﺤﻔﺎﻅ ﻋﻠﻰ ﻣﻜﺎﺳﺐ ﺍﻟﺜﻮﺭﺓ ﻭﺣﻤﺎﻳﺔ ﻭﺗﻨﻔﻴﺬ ﺍﻟﻤﻄﺎﻟﺐ ﺑﺘﺎﻋﺘﺎ ﻭﻻ ﺑﺪ ﻟﻬﺬﻩ ﺍﻟﻘﻴﺎﺩﺍﺕ ﺃﻥ ﺗﻜﻮﻥ ﻣﻔﻌﻤﺔ ﺑﺎﻟﺮﻭﺡ ﺍﻟﺜﻮﺭﻳﺔ، ﻭﻣﺆﻫﻠﺔ ﻟﻠﻘﻴﺎﺩﺓ ﺍﻟﺜﻮﺭﻳﺔ ﻭﻣﺆﻣﻨﺔ ﺇﻳﻤﺎﻧﺎً ﺧﺎﻟﺼﺎً ﻭﻛﻠﻴﺎً ﺑﻤﺎ ﻳﺠﺐ ﺃﻥ ﺗﻘﻮﻡ ﺑﻪ، ﻭﻗﺎﺩﺭﺓ ﻋﻠﻰ ﺣﺸﺪ ﺍﻟﺸﻌﺐ، ﻭﺇﺳﺘﻜﻤﺎﻝ ﻣﻄﻠﻮﺑﺎﺕ ﺍﻟﺜﻮﺭﺓ ﺍﻟﻜﺎﻣﻠﺔ .
ﺃﻫﺎ ﻫﺴﻪ ﻳﺎ ﺑﻮﻱ ﻳﻌﻨﻲ ﺍﻟﻔﻬﻢ ﺷﻨﻮ ؟
ﻭﺍﻟﻠﻪ ﺷﻮﻑ ﻳﺎ ﺇﺑﻨﻲ … ﺍﻟﺤﺎﺻﻞ ﺩﻩ ﻻ ﻳﻤﻜﻦ ﻧﺴﻤﻴﻬﻮ ﺛﻮﺭﺓ … ﻷﻧﻮ ﺍﻟﺜﻮﺭﺓ ﻫﻲ ﺍﻟﺘﻐﻴﻴﺮ ﺍﻟﺸﺎﻣﻞ ( ﻭﻣﺎ ﺣﺼﻞ ﺃﻱ ﺗﻐﻴﻴﺮ ) ﻭﺍﻟﺜﻮﺭﺓ ﻫﻲ ﺗﻄﻬﻴﺮ ﺍﻟﻤﺆﺳﺴﺎﺕ ﺍﻟﻨﻈﺎﻣﻴﺔ ﻭﺍﻷﻣﻨﻴﺔ ﻭﺍﻟﺨﺪﻣﺔ ﺍﻟﻤﺪﻧﻴﺔ ﻣﻦ ﺭﺟﺎﻻﺕ ﺍﻟﻨﻈﺎﻡ ﺍﻟﺴﺎﺑﻖ ( ﻭﻣﺎ ﺣﺼﻞ ﺃﻱ ﺗﻄﻬﻴﺮ ) .
ﺍﻟﺜﻮﺭﺓ ﻫﻲ ﻣﺤﺎﺳﺒﺔ ﺭﻣﻮﺯ ﺍﻟﻔﺴﺎﺩ ( ﻭﻣﺎ ﺣﺼﻠﺖ ﺃﻱ ﻣﺤﺎﺳﺒﺔ ﻭﻻ ﺯﺍﻟﺖ ﻛﺴﺮﺓ ﻫﻴﺜﺮﻭ ﺃﺳﻔﻞ ﺍﻟﻤﻘﺎﻝ ) !
ﻭﺑﻌﺪﻳﻦ؟
ﻻ ﺑﻌﺪﻳﻦ ﻭﻻ ﻗﺒﻠﻴﻦ … ﺍﻟﺠﻬﺔ ﺍﻟﺨﻄﻄﺖ ﻟﻘﻴﺎﻡ ﺍﻟﺜﻮﺭﺓ ﺩﻱ ﻭﺃﻧﻔﻘﺖ ﺍﻟﻮﻗﺖ ﻭﺍﻟﻤﺎﻝ ﻭﺍﻟﺠﻬﺪ ( ﻭﻧﺤﺘﺖ ﻣﺨﻬﺎ ) ﻭﺇﺳﺘﻄﺎﻋﺖ ﺍﻟﺘﺄﺛﻴﺮ ﻋﻠﻰ ﺍﻟﻤﻮﺍﻃﻨﻴﻦ ﻭﺣﺸﺪ ﺍﻟﻤﻼﻳﻴﻦ ﻣﻦ ﺃﻓﺮﺍﺩ ﺍﻟﺸﻌﺐ ﻭﺿﺤﺖ ﺑﺎﻟﻤﺌﺎﺕ ﻣﻦ ﺍﻟﺸﺒﺎﺏ ﻟﻢ ﻳﻜﻦ ﻟﺪﻳﻬﺎ ﺧﻄﺔ ﻟﺘﻔﻜﻴﻚ ﺍﻟﻨﻈﺎﻡ ﺍﻟﺴﺎﺑﻖ ﻭﻟﻢ ﺗﻔﻜﺮ ﻣﻄﻠﻘﺎً ﻓﻲ ﺇﺳﺘﻌﺎﺩﺓ ﺣﻘﻮﻕ ﻫﺬﺍ ﺍﻟﺸﻌﺐ ﺍﻟﺘﻲ ﺗﻢ ﺳﻠﺒﻬﺎ ﺃﻭ ﺍﻹﻗﺘﺼﺎﺹ ﻟﻪ ﻣﻤﻦ ﺳﺎﻣﻮﻩ ﺍﻟﻌﺬﺍﺏ ﻭﻫﺎ ﻫﻲ ﺍﻟﺸﻬﻮﺭ ﺗﻤﻀﻲ ﺩﻭﻥ ﺃﻥ ﻳﺤﺎﺳﺐ ﻓﺎﺳﺪ ﻭﺍﺣﺪ ﺃﻭ ﺣﺘﻰ ( ﻗﺎﺗﻞ ﻭﺍﺣﺪ ) ﻣﻤﻦ ﺃﺯﻫﻘﻮﺍ ﺃﺭﻭﺍﺡ ﺃﺑﻨﺎﺋﻨﺎ ﺍﻟﺬﻳﻦ ﺑﺬﻟﻮﺍ ﺃﺭﻭﺍﺣﻬﻢ ﻣﻬﺮﺍً ﻟﻬﺬﻩ ﺍﻟﺜﻮﺭﺓ … ﻟﻸﺳﻒ ﻟﻘﺪ ﺟﻠﺲ ﺍﻟﻘﻮﻡ ﻋﻠﻰ ﻛﺮﺍﺳﻲ ﺍﻟﺴﻠﻄﺔ ﻭﻳﺒﺪﻭ ﺃﻥ ﺫﻟﻚ ﻛﺎﻥ ( ﺍﻟﻬﺪﻑ ﺍﻟﻮﺣﻴﺪ ) !
ﻭﻛﺴﺮﺓ :
ﺑﻌﺪ ﺍﻟﺸﻬﻮﺭ ﺩﻱ ﻛﻮﻟﻬﺎ ﻭﺍﻟﻔﺴﺪﺓ ﻭﺍﻟﻘﺘﻠﺔ ﻣﻦ ﺭﻣﻮﺯ ﺍﻟﻨﻈﺎﻡ ( ﺣﺎﻳﻤﻴﻦ ) ﻣﺎﻓﻲ ﺯﻭﻝ ﺗﺎﻧﻲ ﻳﻘﻮﻝ ﻟﻠﺸﻌﺐ ﺩﻩ ( ﺃﺻﺒﺮﻭ ) .. ﻛﻔﺎﻳﺔ ﺗﺨﺪﻳﺮ !
ﻛﺴﺮﺓ ﺛﺎﺑﺘﺔ :
• ﺃﺧﺒﺎﺭ ﺍﻟﻘﺼﺎﺹ ﻣﻦ ﻣﻨﻔﺬﻱ ﻣﺠﺰﺭﺓ ﺍﻟﻘﻴﺎﺩﺓ ﺷﻨﻮ ( ﻭ ) ؟
• ﺃﺧﺒﺎﺭ ﻣﻠﻒ ﻫﻴﺜﺮﻭ ﺷﻨﻮﻭﻭﻭﻭ؟ ﻓﻠﻴﺴﺘﻌﺪ ﺍﻟﻠﺼﻮﺹ