ﺍﻟﻤﻴﺮﻏﻨﻲ ﻋﺎﻭﺯ ﻳﺸﻴﻞ ﺍﻟﺼﺮﻓﺔ ﺍﻷﻭﻟﻰ !!
ﺍﻟﻘﺮﺍﻳﺔ ﺍﻡ ﺩﻕ
ﻣﺤﻤﺪ ﻋﺒﺪﺍﻟﻤﺎﺟﺪ
ﺍﻟﻤﻴﺮﻏﻨﻲ ﻋﺎﻭﺯ ﻳﺸﻴﻞ ﺍﻟﺼﺮﻓﺔ ﺍﻷﻭﻟﻰ !!
(1 )
< ﺍﻟﺴﻴﺪ ﺍﻟﺼﺎﺩﻕ ﺍﻟﻤﻬﺪﻱ/
< ﻣﺜﻞ ﺍﻟﺸﺨﺺ ﺍﻟﺬﻱ ﺗﺮﻙ ﻣﻔﺘﺎﺡ ﺍﻟﻌﺮﺑﺔ ﺑﺎﻟﺪﺍﺧﻞ، ﺑﻌﺪ ﺃﻥ ﺃﻏﻠﻖ ﺃﺑﻮﺍﺏ
ﺍﻟﻌﺮﺑﺔ .
< ﻧﺰﻝ ﻣﻨﻬﺎ ﻭﺃﻏﻠﻖ ﺃﺑﻮﺍﺑﻬﺎ ﻭﺗﺮﻛﻬﺎ ﺷﻐﺎﻟﺔ ﻭﺍﻟﻤﻔﺘﺎﺡ ﺑﺎﻟﺪﺍﺧﻞ.
< ﻣﺎ ﻋﺎﺭﻑ ﻳﺘﺼﺮﻑ ﻛﻴﻒ ﺑﻌﺪ ﺫﻟﻚ؟
< ﻳﺤﺎﻭﻝ ﺍﻟﺴﻴﺪ ﺍﻟﺼﺎﺩﻕ ﺍﻟﻤﻬﺪﻱ ﺃﻥ ﻳﻔﺘﺢ ﺃﺑﻮﺍﺏ ﺍﻟﻌﺮﺑﺔ ﺩﻭﻥ ﺃﻥ ﻳﺤﺪﺙ
ﺧﺴﺎﺋﺮ ﻓﻲ ﺍﻟﻌﺮﺑﺔ ﻟﻜﻲ ﻳﺼﻞ ﻟﻤﻔﺘﺎﺡ ﺍﻟﻌﺮﺑﺔ.
< ﻳﺒﺎﺻﺮ ﻓﻲ ﺍﻷﺑﻮﺍﺏ ﺑﺎﻟﺴﻠﻚ ﻭﺍﻟﺮﺯﺭﺯﺓ.
< ﻟﻜﻦ ﻟﻴﺲ ﺃﻣﺎﻡ ﺍﻟﺼﺎﺩﻕ ﺍﻟﻤﻬﺪﻱ ﺣﻞ ﻏﻴﺮ ﺃﻧﻪ ﻳﻜﺴﺮ ( ﻗﺰﺍﺯ ) ﺍﻟﻌﺮﺑﺔ،
ﺣﺘﻰ ﻳﺼﻞ ﻟﻠﻤﻔﺘﺎﺡ ﻭﻳﺒﻄّﻞ ﺍﻟﻌﺮﺑﺔ ﻋﻠﻰ ﺍﻷﻗﻞ .
(2 )
< ﻏﺎﺯﻱ ﺻﻼﺡ ﺍﻟﺪﻳﻦ/
< ﻻ ﺑﻔﺘﺢ.
< ﻭﻻ ﺑﻨﺰﻝ ﻣﻦ ﺇﻳﺪﻭ .
< ﻭﻻ ﺑﻤﺸّﻲ ﺍﻟﻠﻌﺐ.
(3 )
< ﻛﻤﺎﻝ ﻋﻤﺮ/
< ﻋﺎﻭﺯ ﻭﻗﺖ ﻃﻮﻳﻞ ﺟﺪﺍً.
< ﻛﻲ ﻳﻌﺮﻑ ﺍﻟﻤﻄﺮﺓ ﺻﺎﺑﺔ ﻭﻳﻦ؟
(4 )
< ﺍﻟﻄﻴﺐ ﻣﺼﻄﻔﻰ/
< ﺍﻟﻮﺭﻕ ﻭﻗﺖ ﻳﻜﻮﻥ ﻛﻌﺐ ﻭﻣﺎ ﻋﻨﺪﻙ ﺃﻣﻞ ﺗﻔﺘﺢ، ﻓﻲ ﺁﺧﺮ ﺍﻟﻠﻌﺐ ﺑﺘﻌﻤﻞ
ﻋﻠﻰ ﺍﻟﺘﺨﻠﺺ ﻣﻦ ﺍﻟﻮﺭﻕ ﺍﻟﻜﺒﺎﺭ !!
(5 )
< ﺃﺑﻮ ﺍﻟﻘﺎﺳﻢ ﺑﺮﻃﻢ/
< ﻣُﻄﺎﺭﺷﺔ ﻃﻘﻄﻘﺔ ﺍﻟﻜﻤﺴﺎﺭﻱ ﻟﻦ ﺗﻌﻔﻴﻚ ﻣﻦ ﺍﻥ ﺗﺪﻓﻊ ﺛﻤﻦ ﺍﻟﺘﺬﻛﺮﺓ.
(6 )
< ﻣﺒﺎﺭﻙ ﺍﻟﻔﺎﺿﻞ/
< ﻟﻴﺲ ﺩﺍﺋﻤﺎً ﻋﻨﺪﻣﺎ ﺗﺠﻠﺲ ﻓﻲ ﺁﺧﺮ ﻣﻘﻌﺪ ﻓﻲ ﺍﻟﺤﺎﻓﻠﺔ، ﺗﺠﺪ ﻗﺪﺍﻡ ﻣﻦ
ﻳﺪﻓﻊ ﻟﻚ ﺗﻌﺮﻳﻔﺔ ﺍﻟﻤﻮﺍﺻﻼﺕ !!
(7 )
< ﻋﻠﻲ ﺍﻟﺤﺎﺝ/
< ﺍﻟﺰﻭﻝ ﻭﻗﺖ ﻳﺸﺘﺮﻱ ﻟﻴﻪ ( ﺑﻄﻴﺨﺔ ) ﻛﺒﻴﺮﺓ، ﻭﻳﻔﺘﺤﻬﺎ ﻓﻲ ﺍﻟﺒﻴﺖ ﻭﺗﻄﻠﻊ
ﺑﻴﻀﺎﺀ .
< ﻫﺬﺍ ﻣﺎ ﺣﺪﺙ ﻟﻌﻠﻲ ﺍﻟﺤﺎﺝ.
(8 )
< ﺍﻣﻴﻦ ﺣﺴﻦ ﻋﻤﺮ/
< ﻋﺎﻭﺯ ﻳﻨﺰﻝ ﻗﺒﻞ ﻣﺤﻄﺘﻪ.
(9 )
< ﻓﺎﺭﻭﻕ ﺍﺑﻮ ﻋﻴﺴﻰ/
< ﻗﺎﻓﻞ ﻋﻠﻰ ﻗﻮﻥ ﺍﻟﻤﻐﺮﺑﻴﺔ .
(10 )
< ﻋﻠﻲ ﻋﺜﻤﺎﻥ ﻣﺤﻤﺪ ﻃﻪ/
< ﺣﻜﺎﻳﺔ ﺍﻟﺰﻭﻝ ﺍﻟﺒﻴﻜﻮﻥ ﺑﻔﻴﺘﺶ ﻟﻴﻪ ﻓﻲ ( ﺷﺎﺣﻦ ﻣﻮﺑﺎﻳﻞ ) ﻓﻲ ﻣﻨﺎﺳﺒﺔ
ﺯﻭﺍﺝ، ﻭﻗﺖ ﻳﻠﻘﻰ ﺍﻟﺸﺎﺣﻦ ﻣﺎ ﺑﻴﻠﻘﻰ ( ﺍﻟﻜﺒﺲ ) ﺍﻟﻔﺎﺿﻲ !!
(11 )
< ﻋﺒﺪ ﺍﻟﺮﺣﻤﻦ ﺍﻟﻤﻬﺪﻱ/
< ﻓﻲ ﻣﻨﺎﺳﺒﺎﺕ ﺍﻷﻋﺮﺍﺱ .. ﻓﻲ ﺯﻭﻝ ﺑﻴﻜﻮﻥ ﻻ ﻣﻦ ﺃﻫﻞ ﺍﻟﻌﺮﻳﺲ ﻭﻻ ﻣﻦ
ﺃﻫﻞ ﺍﻟﻌﺮﻭﺱ، ﻭﻣﻊ ﺫﻟﻚ ﻗﺎﻋﺪ ﻳﻨﻈﻢ ﻓﻲ ﺍﻟﺤﻔﻠﺔ.
(12 )
< ﻋﺒﺪ ﺍﻟﺮﺣﻴﻢ ﻣﺤﻤﺪ ﺣﺴﻴﻦ/
< ﻳﻮﻡ ﺗﻜﻮﻥ ﻓﻲ ﺣﺼﺔ (ﺗﺴﻤﻴﻊ ) …. ﺍﻟﻄﺎﻟﺐ ﺍﻟﻤﺎ ﺣﺎﻓﻆ ﺑﺸﻴﻞ (ﺩﻓﺘﺮ
ﺍﻟﻌﻴﺎﺩﺓ ) .
(13 )
< ﺣﺴﻦ ﺍﺳﻤﺎﻋﻴﻞ/
< ﺍﻗﻠﺐ ﺍﻟﺸﺮﻳﻂ !!
(14 )
< ﺍﺑﺮﺍﻫﻴﻢ ﻏﻨﺪﻭﺭ/
< ﺍﻟﺴﻴﻚ ﻓﻲ ﻗﺒﻮﻟﻚ.
(15 )
< ﻣﺤﻤﺪ ﻃﺎﻫﺮ ﺇﻳﻼ/
< ﻓﻲ ﻧﺎﺱ ﻭﻗﺖ ﻳﺮﻛﺒﻮﺍ ﻓﻲ (ﺍﻟﺒﺺ ) …ﻻﺯﻡ ﻳﻘﻌﺪﻭﺍ ﻋﻠﻰ ( ﺍﻟﺸﺒﺎﻙ !!(
(16 )
< ﻣﺄﻣﻮﻥ ﺣﻤﻴﺪﺓ/
< ﺯﺭﻉ (ﺑﺼﻞ ) ﻓﻲ ﻣﻮﺳﻢ ( ﺍﻟﻌﻨﺐ ) ﻭﻋﺎﻭﺯ ﻳﺤﺼﺪ ( ﻣﻮﺯ ).
(17 )
< ﺟﻤﺎﻝ ﺍﻟﻮﺍﻟﻲ/
< ﻣﺮﺍﺕ ﺑﺘﻠﻘﻰ ﺯﻭﻝ ﻳﺘﺒﺮﻉ ﻭﻳﻘﻮﻡ ﻣﻦ ﺩﻭﻥ ﺍﻟﻨﺎﺱ ﻋﺸﺎﻥ ﻳﻮﺻﻒ ﻟﻴﻚ .
< ﻳﺨﻠﺺ ﻓﻲ ﺍﻟﻮﺻﻒ .
< ﻭﻣﺎ ﻳﻘﺼﺮ .
< ﻟﻜﻦ ﻓﻲ ﺍﻟﻨﻬﺎﻳﺔ ﺑﺘﻜﺘﺸﻒ ﻭﺻﻔﻮ ﻏﻠﻂ .
(18 )
< ﻣﻮﻻﻧﺎ ﻣﺤﻤﺪ ﻋﺜﻤﺎﻥ ﺍﻟﻤﻴﺮﻏﻨﻲ/
< ﻣﻮﻻﻧﺎ ﻣﺜﻞ ﺍﻟﺰﻭﻝ ﺍﻟﻤﺎ ﺩﺍﺧﻞ ﺍﻟﺼﻨﺪﻭﻕ .
< ﻣﻊ ﺫﻟﻚ ﻋﺎﻭﺯ ﻳﺸﻴﻞ ﺍﻟﺼﺮﻓﺔ ﺍﻷﻭﻟﻰ