ﺍﺳﺘﺮﺍﺣﺔ ﺍﻟﺠﻤﻌﺔ : ﺷﺎﻱ ﻓﻲ ﺍﻟﺨﻤﺴﻴﻨﺔمقالات في نوفمبر 15, 2019 10 مشاركة المقال ﺻﺒﺎﺣﻜﻢ ﺧﻴﺮﺩ ﻧﺎﻫﺪ ﻗﺮﻧﺎﺹ ﺍﺳﺘﺮﺍﺣﺔ ﺍﻟﺠﻤﻌﺔ : ﺷﺎﻱ ﻓﻲ ﺍﻟﺨﻤﺴﻴﻨﺔ .. ﺍﻟﺘﻘﻴﺖ ﺟﺎﺭﺗﻲ ﺍﻟﻌﺎﻣﻠﺔ ﺑﺎﺣﺪﻯ ﺍﻟﻤﺆﺳﺴﺎﺕ ﺍﻟﺤﻜﻮﻣﻴﺔ .. ﻛﺎﻧﺖ ﻏﺎﺿﺒﺔ ﺗﻄﻨﻄﻦ ﺑﺼﻮﺕ ﻣﺴﻤﻮﻉ .. ﻣﺎﺯﺣﺘﻬﺎ ﻗﺎﺋﻠﺔ ) ﺍﻟﺠﻤﻴﻞ ﻣﺎﻟﻮ ﺯﻋﻼﻥ ( .. ﻗﺎﻟﺖ ﺑﺎﻣﺘﻌﺎﺽ ﻭﺍﺿﺢ ) ﻣﺸﻴﺖ ﺍﺻﺮﻑ ﺍﻟﻤﺎﻫﻴﺔ .. ﺣﺴﺒﺖ ﺍﻟﻘﺮﻭﺵ .. ﻟﻘﻴﺘﻬﺎ ) ﺯﺍﻳﺪﺓ ﺣﺒﺘﻴﻦ ( .. ﻗﻠﺖ ﻣﺎﺷﺎﺀ ﺍﻟﻠﻪ .. ﻳﺎﻫﺎ ﺍﻟﻤﺪﻧﻴﺔ ﺍﻟﻌﺎﻳﺰﻧﻬﺎ .. ﻟﻜﻦ ﻗﻠﺖ ﺑﺮﺿﻮ ﺍﺳﺄﻝ ﻋﻦ ﺳﺒﺐ ﺍﻟﺰﻳﺎﺩﺓ .. ﻓﻜﺎﻧﺖ ﺍﻟﺼﺪﻣﺔ ( .. ﺻﺪﻣﺔ ﺷﻨﻮ ؟ .. ﻛﺎﻥ ﺭﺩﻫﺎ ﺗﻐﻴﻴﺮ ﺻﻮﺗﻬﺎ ﻭﻗﻠﺐ ﺳﺤﻨﺔ ﻭﺟﻬﻬﺎ ﺍﻟﻐﺎﺿﺐ ﻭﻫﻲ ﺗﺤﺎﻛﻲ ﺻﻮﺕ ﺍﻟﺼﺮﺍﻑ ) ﻳﺎ ﺍﻭﻭﺳﺘﺎﺫﺓ ﺍﻟﻀﺮﺍﺋﺐ ﺍﺗﺮﻓﻌﺖ ﻋﻨﻚ ﻻﻧﻚ ﻣﺎﺷﺎﺀ ﺍﻟﻠﻪ ﺑﻘﻰ ﻋﻤﺮﻙ ﺧﻤﺴﻴﻦ ﺳﻨﺔ ( .. ﻭﻣﻦ ﺛﻢ ﺍﺳﺘﻌﺎﺩﺕ ﺻﻮﺗﻬﺎ ﻭﻗﺎﻟﺖ ) ﻳﺨﻤﺲ ﻗﻴﻮﺩﻙ ﻳﺎ ﺑﻌﻴﺪ ( .. ﺗﺤﺎﺷﻴﺖ ﺍﻻﺑﺘﺴﺎﻡ .. ﺍﻟﻤﺸﻜﻠﺔ ﺍﻻﺯﻟﻴﺔ .. ﻋﻤﺮ ﺍﻟﻨﺴﺎﺀ ﻭﺍﻻﺟﺘﻬﺎﺩ ﻓﻲ ﺍﺧﻔﺎﺋﻪ .. ﺗﻈﻬﺮﻩ ﻣﺼﻠﺤﺔ ﺍﻟﻀﺮﺍﺋﺐ ﺍﻟﺘﻲ ﺗﺼﺪﺭ ﺍﻋﻔﺎﺀ ﻛﺎﻣﻼ ﻣﻦ ﺍﻟﻀﺮﺍﺋﺐ ﻟﻜﻞ ﻣﻦ ﺑﻠﻎ ﺍﻟﺨﻤﺴﻴﻦ ﻓﻲ ﺍﻟﺨﺪﻣﺔ ﺍﻟﻌﺎﻣﺔ .. ﻳﻌﻨﻲ ﻣﺎ ﻓﻲ ﻣﻔﺮ .. ﻛﻞ ﻣﺎ ﻧﺸﺘﻞ ﺍﻷﻓﺮﺍﺡ .. ﺗﺠﻲ ﺍﻟﻀﺮﺍﺋﺐ ﺗﺬﻛﺮﻙ ﺑﺎﻟﺬﻱ ﻣﻀﻰ .. ﺗﺮﻯ ﻣﻦ ﻫﻮ ﺻﺎﺣﺐ ﻫﺬﻩ ﺍﻟﻔﻜﺮﺓ ﺍﻟﻌﺒﻘﺮﻳﺔ ﻓﻲ ﻛﺸﻒ ﺍﻷﻋﻤﺎﺭ ؟ .. ) ﻋﻠﻴﻚ ﺍﻟﻠﻪ ﻫﺴﻪ ﺫﺍﺗﻬﺎ ﻧﻌﻤﻞ ﺑﻴﻬﺎ ﺷﻨﻮ ﺍﻟﻘﺮﻳﺸﺎﺕ ﺩﻱ ؟ ﻧﺸﺘﺮﻱ ﺣﺒﻮﺏ ﺍﻟﻀﻐﻂ ﻭﻻ ﺍﻟﺴﻜﺮﻱ ؟ ﺍﻟﻀﺮﺍﺋﺐ ﻳﺎ ﻳﻤﺔ ﻣﺎﺭﻓﻌﻮﻫﺎ ﻟﻤﺎﻥ ﺩﺧﻠﺖ ﺻﺮﻓﺔ ﻋﻔﺶ ﺍﻟﺒﻴﺖ .. ﻣﺎ ﺭﻓﻌﻮﻫﺎ ﻟﻤﺎﻥ ﺟﺎﺯﻓﻨﺎ ﺣﻖ ﻣﺼﺎﺭﻳﻒ ﺍﻟﺠﺎﻣﻌﺔ ﻟﻠﻮﻟﺪ .. ﻳﺮﻓﻌﻮﻫﺎ ﻫﺴﻪ ؟ ﻳﻀﺮﺑﻬﻢ ﺍﻟﻀﺮﻳﺐ ﺑﺮﻛﺔ ﺭﺏ ﺍﻟﺸﻔﻖ ﻭﺍﻟﻤﻐﻴﺐ( .. ﻓﻠﺘﺖ ﺍﻟﻀﺤﻜﺔ ﻣﻨﻲ ((.. ﺍﻟﻤﺪﺍﻋﺎﺓ ﻋﺎﻳﺰﺓ ﻣﻘﺎﻝ ﻣﻨﻔﺼﻞ)) .. ﻗﻠﺖ ﻟﻬﺎ ) ﻛﺪﻱ ﺭﻭﻗﻲ .. ﺍﻧﺖ ﺯﻋﻼﻧﺔ ﻣﻦ ﺭﻓﻊ ﺍﻟﻀﺮﺍﺋﺐ ؟ ﻭﻻ ﻣﻦ ﻋﻤﺮ ﺍﻟﺨﻤﺴﻴﻦ .. ﻋﺸﺎﻥ ﺍﺭﻛﺰ ﻣﻌﺎﻙ ﻭﻛﺪﺍ ( .. ﻧﻈﺮﺕ ﺍﻟﻲ ﺑﻐﻴﻆ ﻭﻗﺎﻟﺖ ) ﻣﺎﻋﺎﺭﻓﺔ ( . ﻭﻟﻜﻨﻲ ﻳﺎ ﺻﺪﻳﻘﺘﻲ ﺍﻋﺮﻑ .. ﺍﻧﻬﺎ ﺍﻻﻋﻤﺎﺭ ﺍﻟﺘﻲ ﺑﻴﺪ ﺍﻟﻠﻪ .. ﻟﻜﻨﻨﺎ ﻧﻈﻞ ﻧﺪﻋﻲ ﺍﻟﺼﻐﺮ ﺍﻟﻰ ﺁﺧﺮ ﺍﻟﻌﻤﺮ .. ﻧﺤﻦ ﺍﻟﻨﺴﺎﺀ ﺍﺻﻼ ﻋﻨﺪﻧﺎ ﺍﺯﻣﺔ ﻓﻌﻠﻴﺔ ﻣﻊ ﺍﻟﺴﻨﻴﻦ .. ﻭﺍﺻﻌﺐ ﺳﺆﺍﻝ ﻫﻮ ) ﻋﻤﺮﻙ ﻛﻢ ؟( .. ﻭﺍﻛﺜﺮ ﺷﺨﺺ ﻧﺘﺤﺎﺷﻰ ﻟﻘﺎﺀﻩ ﻫﻮ ﺫﻟﻚ ﺍﻟﺬﻱ ﻳﻌﺮﻑ ﺑﺎﻟﻀﺒﻂ ﺳﻨﻮﺍﺕ ﻋﻤﺮﻙ .. ﺍﻫﺎ ﺗﺠﻲ ﻣﺼﻠﺤﺔ ﺍﻟﻀﺮﺍﺋﺐ ﻭﺗﻔﻀﺤﻚ ﻋﻠﻰ ﺍﻟﻤﻸ .. ﻓﻴﻌﺮﻑ ﺍﻟﺼﺮﺍﻑ ﻭﺍﻻﺩﺍﺭﺓ ﺍﻟﻤﺎﻟﻴﺔ ﻭﻧﺎﺱ ﺷﺆﻭﻥ ﺍﻟﻌﺎﻣﻠﻴﻦ .. ﻭﺳﺮﻋﺎﻥ ﻣﺎ ﻳﺘﻔﺸﻰ ﺍﻟﺨﺒﺮ .. ﻭﻳﻌﻢ ﺍﻟﻘﺮﻯ ﻭﺍﻟﺤﻀﺮ .. ﺍﻟﺨﻤﺴﻮﻥ ﺑﺎﻟﺬﺍﺕ ﺳﻦ ﺻﻌﺒﺔ ﻟﻴﺲ ﻟﻠﻨﺴﺎﺀ ﻓﻘﻂ ﻭﺍﻧﻤﺎ ﺣﺘﻰ ﻟﺤﻤﻠﺔ ﺍﻟﻮﺍﻱ ﻛﺮﻭﻣﻮﺳﻮﻡ .. ﺍﻟﺮﺟﻞ ﻣﺎ ﺍﻥ ﻳﺨﻄﻮ ﻧﺎﺣﻴﺔ ﺍﻟﺨﻤﺴﻴﻦ .. ﺍﻻ ﻭﺗﻈﻬﺮ ﻋﻠﻴﻪ ﻋﻼﻣﺎﺕ ﺍﺯﻣﺔ ﻣﻨﺘﺼﻒ ﺍﻟﻌﻤﺮ .. ﻗﻤﺼﺎﻥ ﻣﺸﺠﺮﺓ .. ﻭﺯﻳﺎﺭﺍﺕ ﻣﻨﺘﻈﻤﺔ ﻟﻠﺠﻴﻢ ﻟﺸﻔﻂ ﺍﻟﻜﺮﺵ ﻭﺍﺯﺍﻟﺔ ﺍﻟﺪﻫﻮﻥ ﺍﻟﻤﺘﺮﺍﻛﻤﺔ ﻓﻲ ﺍﻟﺮﻗﺒﺔ .. ﺻﺒﻐﺔ ﻟﻠﺸﻌﺮ ﻭﺍﻟﺪﻗﻦ .. ﻭﺍﻻﻳﺎﻡ ﺩﻱ ) ﺟﺎﺑﺖ ﻟﻴﻬﺎ ﺯﺭﻉ ﺷﻌﺮ ﻓﻲ ﺍﻟﺮﺃﺱ ( .. ﺭﻏﻢ ﻛﻞ ﻫﺬﻩ ﺍﻟﺤﺸﻮﺩ ﺍﻟﻠﻮﺟﺴﺘﻴﺔ ﻋﻠﻰ ﻧﻬﺎﻳﺎﺕ ﺍﻻﺭﺑﻌﻴﻨﻴﺎﺕ … ﻭﺭﻏﻢ ﺍﻟﺸﻌﺎﺭ ﺍﻟﻤﺮﻓﻮﻉ ﻟﺴﻦ ﺍﻟﺘﺎﺳﻌﺔ ﻭﺍﻷﺭﺑﻌﻮﻥ ) ﻓﺎﻳﺖ ﻣﺮﻭﺡ ﻭﻳﻦ .. ﻟﺴﻪ ﺍﻟﺰﻣﻦ ﺑﺪﺭﻱ ( .. ﺍﻻ ﺍﻥ ﺟﺤﺎﻓﻞ ﺍﻟﺨﻤﺴﻴﻨﺎﺕ .. ﺗﺘﻘﺪﻡ ﺑﺎﺻﺮﺍﺭ .. ﻏﻴﺮ ﻋﺎﺑﺌﺔ ﺑﻜﻞ ﺻﻴﺤﺎﺕ ﺍﻻﺳﺘﻌﻄﺎﻑ ﻭﺍﻻﺳﺘﺠﺪﺍﺀ . ﻗﻠﺖ ﻟﻬﺎ ) ﻳﺎﺥ ﻣﺎ ﺗﺰﻋﻠﻲ .. ﺍﻧﺎ ﺍﻗﺪﺭ ﺍﺩﻳﻚ ﺍﻛﺜﺮ ﻣﻦ ﻣﺜﺎﻝ ﻟﻲ ﻧﺎﺱ ﺣﻴﺎﺗﻬﻢ ﺑﺪﺃﺕ ﺑﻌﺪ ﺍﻟﺨﻤﺴﻴﻦ .. ﻋﻨﺪﻙ ﻣﺜﻼ ﻛﻮﻟﻮﻧﻴﻞ ﺳﺎﻧﺪﺭﺯ ﺑﺘﺎﻉ ﻛﻨﺘﺎﻛﻲ .. ﺍﺷﺘﻐﻞ ﻋﺪﺩ ﻣﻦ ﺍﻟﺸﻐﻼﻧﺎﺕ .. ﻟﻜﻦ ﻣﺎ ﻗﺪﺭ ﻳﻨﺠﺢ ﺍﻻ ﺑﻌﺪ ﻧﺰﻝ ﻣﻌﺎﺵ ﻓﻲ 65 ﺳﻨﺔ ﻭﻣﺸﻰ ﻋﻤﻞ ﺍﻭﻝ ﻣﻄﻌﻢ ﻛﻨﺘﺎﻛﻲ .. ﻫﺴﻪ ﻳﺎﺧﺘﻰ ﺍﺭﻳﺘﻮ ﺣﺎﻟﻲ ﻭﺣﺎﻟﻚ .. ﻣﺤﻼﺕ ﻛﻨﺘﺎﻛﻲ ﻓﺮﻭﻋﻬﺎ ﻓﻲ 100 ﺩﻭﻟﺔ .. ﻋﻨﺪﻙ ﺗﺎﻧﻲ ﻣﺜﻞ ﺟﻮﺯﻳﻪ ﺳﺎﻳﺎﺟﻮ .. ﻛﺎﺗﺐ ﻻﺗﻴﻨﻲ .. ﺍﻭﻝ ﻛﺎﺗﺐ ﻳﺎﺧﺪ ﺟﺎﺋﺰﺓ ﻧﻮﺑﻞ ﺑﺎﻟﻠﻐﺔ ﺍﻟﺒﺮﺗﻐﺎﻟﻴﺔ .. ﺍﻟﺰﻭﻝ ﺩﺍ ﻗﺎﻝ ﻟﻮ ﻣﺖ ﻗﺒﻞ ﺍﻟﺴﺘﻴﻦ ﻣﺎ ﻛﺎﻥ ﻋﺮﻓﻨﻲ ﺯﻭﻝ … ﺍﻣﺜﻠﺔ ﻛﺘﻴﺮﺓ ﺗﻌﺮﻓﻲ ﻣﻨﻬﺎ ﺍﻧﻮ ﺍﻟﺨﻤﺴﻴﻦ ﻣﺎ ﻧﻬﺎﻳﺔ ﺍﻟﻌﻤﺮ .. ﻫﻲ ﻣﺠﺮﺩ ﺭﻗﻢ ﻓﻴﻬﻮ ( .. ﻓﻜﺮﺕ ﻗﻠﻴﻼ ﻭﻣﻦ ﺛﻢ ﻗﺎﻟﺖ ) ﻃﻴﺐ ﻟﻴﻪ ﻧﺎﺱ ﺍﻟﻘﺸﺎﻳﺮ ) ﺍﻟﻀﺮﺍﺋﺐ ( ﺍﺧﺘﺎﺭﻭﻩ ﻣﻦ ﺩﻭﻥ ﺍﻷﺭﻗﺎﻡ ؟ ( .. ) ﺳﺆﺍﻝ ﻣﻨﻄﻘﻲ ﻧﺤﻮﻟﻮﺍ ﻟﻲ ﻧﺎﺱ ﺍﻟﻀﺮﺍﺋﺐ .. ﻟﻜﻦ ﺗﻌﺎﻟﻲ ﺍﺷﺮﺑﻲ ﻣﻌﺎﻱ ﺷﺎﻱ ﻓﻲ ﺍﻟﺨﻤﺴﻴﻨﺔ ( .. ) ﺧﻤﺴﻴﻨﺔ ؟ ﺗﺎﻧﻲ ﺧﻤﺴﻴﻦ ؟ ﻗﺼﺪﻙ ﺷﻨﻮ ؟ ﺍﻟﻤﻄﺎﻋﻨﺎﺕ ﺩﻱ ﻣﺎﻓﻲ ﺩﺍﻋﻲ ﻟﻴﻬﺎ .. ﺍﻧﺖ ﺍﻟﺨﻤﺴﻴﻦ ﻣﺎﺷﺔ ﻣﻨﻬﺎ ﻭﻳﻦ .. ﻣﺎﻳﺎﻫﺎ ﺩﻳﻚ ﺟﺎﻳﺔ ﻋﻠﻴﻚ ( .. ﻭﺳﺎﺭﺕ ﻓﻲ ﺣﺎﻝ ﺳﺒﻴﻠﻬﺎ ﻭﻫﻲ ﺗﻤﺘﻢ ) ﺧﻤﺴﻴﻨﺔ ﻗﺎﻝ ﺧﻤﺴﻴﻨﺔ ﻗﺎﻝ ( .. ﻛﻨﺖ ﺍﻭﺩ ﺍﻥ ﺍﻭﺿﺢ ﻟﻬﺎ ﺍﻥ ) ﺍﻟﺨﻤﺴﻴﻨﺔ ( ﻛﻮﺏ ﺯﺟﺎﺟﻲ ﻋﺎﺩﻱ .. ﻻ ﻓﺮﻕ ﺑﻴﻨﻪ ﻭﺑﻴﻦ ﺑﻘﻴﺔ ﺍﻷﻛﻮﺍﺏ ﺍﻻ ﻓﻲ ﺍﻻﺳﻢ . ﺍﺳﺘﺮﺍﺣﺔ ﺍﻟﺠﻤﻌﺔ : ﺷﺎﻱﺍﻟﺨﻤﺴﻴﻨﺔفي 10 مشاركة المقال
