حركات جيش

في السلك

بابكر سلك

*الجيش من زمن كان قوة دفاع السودان
*مرورا بتسميته الديش
*ثم الجيش
*ثم قوات الشعب المسلحة
*ثم القوات المسلحة في العهد البائد الذي لفظ انفاسه
*فان كانت تربطه بالنظام البائد علائق طيبة وحسن معشر
*كان علي القوات المسلحة التي سقط عنها سهوا كلمة الشعب
*فقد كانت قوات الشعب المسلحة واضحت القوات المسلحة بدون استصحاب للشعب(هذا ما اراده لها كبارها والذي يرفضه السواد الاعظم من شبابها )
*كان عليها ان تطلق رصاصة الرحمة علي جيفة اصدقاء الامس التي فاحت(عفاناتها) بدلا عن محاولة إنقاذ ذلك الجسد المتهالك برغم ان المعدودة كملت
*فجاء البيان هزيلا محبطا انانيا لم يستصحب معه صاحب الراس والجلد وهو الشعب
*وتناسي البيان ان هذه الثورة صنعناها نحن افراد الشعب
*وقدمنا فيها القرابين دماء ابنائنا وكرامة بناتنا
*في وقت كانت اللجنة الامنية العليا التي تلت علينا البيان هي من يقود عمليات قمعنا وزجرنا وزجرنا في المعتقلات
*وهي من كانت تحمي قمعنا بتقديم بناتنا للمحاكمات والزج بهن في السجون
*لا لشئ سوي انهن طالبن بوطن معافي لامتعافي
*وطن ينفع لايكتفي بنافع
*وطن بفهم ليس باللمبي
*ومواطن لايستغل منصب اخيه في بيع صمغ السودان
*ولامنصبه في الالتفاف علي اموال البترول
*ولا منصب زوجه (التاني ) في سرقة اموال الشعب وتخصيصها لاهل واحباب وجيران نسابتنا
*هذا الحلم البسيط قاد كنداكاتنا لسجون النظام باشراف اللجنة الامنية العليا التي كان البعض منها يري ان قتل مئة ثائر من اطراف الموكب يفك الاعتصام
*ايها الناس
*باي حق نصنع الثورة نحن ابناء وبنات الشعب السوداني
*ونعاني
*مستصحبين اهدافنا النبيلة
*ثم يأت بيان(طشاش) اللجنة الامنية غير عابئ بنا ولا باهدافنا
*متناسين اننا اشركنا الجيش في ثورتنا ولم نشرك اللجنة الامنية المتطفله
*ولا دي مجرد حركات جيش يالجنة يا امنية ياعليا؟
*عليا لي نفسك
*ويحق لنا من بين سطور البيان المضطرب ان نطرح أسئلة
*اين موقف البيان من مجازر اهلنا في دارفور؟
*واين حقوق اهل الدارفور في الابادة الجماعية؟
*اين اموال بترول السودان؟
*اين محاربة الفساد من البيان؟
*اين فقرة رد حق الوطن والمواطن من تصدير الصمغ العربي وبيع الجواز السوداني؟
*اين محاسبة محاسيب المخلوع جراء ما سرقوه من اموال الدولة؟
*اين سؤال من اين لك هذا للسيدة الفضلي واخوة المخلوع المخلوعين؟
*اين حقنا وحق دولتنا يا بيان؟؟؟
*انسيت يابيان اطفالا ماتوا لسوء التغذية بسوء الادارة وسرقة حقهم حتي في ابسط مقومات الحياة الكريمة؟؟
*ده بيان شنو ده يالجنة ياعليا؟
*دحين اللجنة دي موش كونها المخلوع نفسه؟
*وسنظل نسأل ونقاوم ولانساوم
*معقولة الدولة الوحيدة في العالم التي يهتف ابنائها ضد الحرامية
*ويأتي بيان ثورتها خال من المحاسبة والمحاكمات والمصادارات؟؟؟
*اسي ده ماشغل جوكية
*تشيل ليك بضاعة بشيك وتخندق في السجن والقروش بره شغاله
*وبعد داك ياتلتو ياكتلتو
*ايها البيان
*سنسال كل يوم
*وزي ماسقطت اول
*دم الشهيد بي كم؟
*بيان يشبه بلادي سهول
*المهم
*الاخوة الاهلة الشرفاء
*الله مرقكم
*اول ناس استفادوا من الثورة برغم البيان
*دواع امنية
*حقوا تعتصموا في القيادة ياروشا وماترجعوا اصلو
*امسكوا في دواع امنية
*البلد دي اذا استقرت مامن صالحكم
*المهم
*امس قابلت بعض لاعبي الهلال داخل العربة قادمين من تمرين الظهر
*كانوا بهتفوا
*بفرح شديد
*سقطت سقطت
*انها الدواع الامنية
*اها يافطومة
*من مملكة كوش مرورا بالتركية الاولي والمهدية المجيدة والحكم الثنائي والاستقلال والديمقراطية الاولي وعبود والديمقراطية التانية ونميري والانتقالية والديمقراطية التالته
*من كل تلك الحقب خرج الهلال بصفره
*اها
*الانقاذ تلتين سنة انتهت
*وبرضو خرج الهلال بصفره المشهور
*قصتكم شنو يافطومة؟؟
*ايها الناس
*ان تنصروا الله ينصركم
*واظنه نصركم
*بس العيب في بيانكم
*اها
*نجي لي شمارات والي الخرتوم
*والينا
*بعد البيان قالوا لسه قاعد لاصق فينا
*دي محنة شنو دي يا اخينا؟؟؟
سلك كهربا ننساك كيف والكلب انتوا بتلعبوا علينا ولا شنو؟؟؟
والي لقاء
سلك